І жарты жылдық есебі

                       І жарты жылдық есебі

Абдолла Қарсақбаев атындағы орта мектебінде "Мектепке жол" акциясы жыл сайын дәстүрлі түрде жалғасын тауып келеді. Мектебімізде жыл бойы өтілетін акцияның мақсаты – жаңа оқу жылына дайындық уақытында аз қамтамасыз етілген және көпбалалы отбасылардан шыққан оқушыларға қолдау көрсету, баланың әлеуметтік себептермен мектепке келмей қалуының алдын алу, жетім, ата-анасының қамқорлығынсыз қалған балаларға, көп балалы, тұрмыс жағдайы төмен отбасыларына нақты көмек көрсету болып табылады.

"Мектепке жол" акциясы тамыз айы мен қыркүйек айларына созылады. Мектебімізде ЖББҚ есебінен көмек алатын 215 оқушы бар. Бұл оқушылар  жетім және ата-ана қамқорлығынсыз қалған балалар,көп балалы отбасынан және аз қамтылған отбасынан шыққан оқушылар. Осы акция аясында мектеп директоры Г.Т. Жилангозова әлеуметтік мәртебеге ие мектеп оқушыларына демеушілік жасап, алғашқы болып өзі үлгі көрсетті.Жамбыл аудандық білім бөлімінің әдіскерлері және ардагер ұстаздар, мұғалімдер, Жаңақұрылыс ауылының кәсіпкерлері  төмендегідей көмек көрсетті.

Мектебіміздегі өмірдің тауқыметін ерте тартқан жетім және ата-ана қамқорлығынсыз қалған 8 оқушыға, аудандық білім бөлімінің әдіскерлері және ардагер ұстаздар мектеп формасы ,спорттық киім және оқу құралы мен сумкасын алып беріп ,балаларды мектепке дайындап қуантты. Бұл көмектің жалпы құны 350 мың тенгені құрады.

Жаңақұрылыс ауылының кәсіпкерлері  көп балалы және толық емес отбасынан шыққан 7оқушыға ақшалай 20 мың тенгеден беріп, ол ақшаны сынып жетекшісіне табыстады. Сынып жетекші ата-анасымен хабарласып мектеп формасын және оқу құралын алып берді. Жалпы сомасы 140 мың тенгені құрады.

Мектепке жол акциясы барысында мектеп мұғалімдері бір ауыздан  жиналып, ата-ана комитетімен бірлесе келе көп балалы  және  аз қамтылған отбасынан шыққан 58 оқушыға мектеп сөмкесін  жасына сай алып, оны салтанатты түрде мектеп директорымен бірге  табыс етті. Бұл 58 сөмкелердің жалпы  құны 253500 теңгені құрады.

Қайырымды іс жыл бойына жалғасын тауып отырады. Осы орайда  денсаулығына байланысты үйден оқытылып отырған оқушыларға қазан айында көңілін аулау мақсатында оқу құралдары және тәттілер мен жемістер берілді.Бұл көмекке сынып жетекшілері және мектептің еріктілер фракциясы, әлеуметтік педагог және педагог организатор демеушілік жасап, уйлеріне барып ата-анасымен сөйлесіп,баланың көңілін аулап сыйлықтарын табыстап қайтты.Бұл көмектің құны 40 мың тенгені құрады.

2022  жылдың ақпан айында ЖББҚ есебінен берілетін тегін ыстық тамақ ішуге  250 оқушы тізімге ілінді.Бұл оқушылыр жыл бойына тегін ыстық тамақпен мектеп асханасынан күніне бір мезгіл тамақтанады.Осы  оқушылардың ішінде әл-ауқаты өте төмен ,көп балалы отбасынан шыққан екі оқушыға мектеп мұғалімдері бірлесе көмек берді. Олар:

1. 6 «В» сынып оқушысы Аңсаған Жұлдыз
2. 2 «Д» сынып оқушысы Аңсаған Айша.

Бұл аталған отбасындағы 5 қыз балаға  алынған киім-кешек бағасы 50 мың тенге, азық-түлікке 20 мың тенге жұмсалды. Барлығы 70 мың тенгені құрады.

Мектепке жол қайырымдылық акциясы аясында қаңтар айының 10 ақпан айының 10 аралығында мектебімізде 7-8 сыныптар арасында  «Жақсылық жасауға асығайық», 9-10 сыныптар арасында «Жылы жүрек» атты қайырымдылық акциясы ұйымдастырылды..  Жәрменкеге мектеп ұжымы және оқушылар белсене қатысып түскен қаражатты күн көрісі төмен 10 отбасыға көмекке берілді. Әр отбасыға 15 мың тенгеге азық-түлік алып таратылды. Жалпы құны 150 мың тенгені құрады.

Қорытынды:  2021-2022 оқу жылының бірінші жарты жылдығында көрсетілген көмектің жалпы құны 1003500 т құрады.  Жыл бойына «Қайырымдылық іс жасауға асығайық » атты ұранмен үнемі жұмыс жүргізіліп, игі істер атқарылып отырады.

Дайындаған әлеуметтік педагог Г.С.Айдабосынова

ата– ана комитетінен сөмке алған оқушылардың тізімі